ધોરણ 10-12 ની ડુપ્લીકેટ માર્કશીટ હવેથી ઘરે બેઠા મેળવો : ધોરણ 10 અને 12 ની માર્કશીટ અથવા કોઈપ્રમાણપત્ર ખોવાઇ ગયેલ હોય તો હવેથી ઓનલાઇન મેળવી શકાશે.

વર્ષ 1952 થી અત્યાર સુધીના બધા જ પ્રમાણપત્ર ઓનલાઇન મુકી દેવામાં આવ્યા છે. ધોરણ 10/12 ડુપ્લીકેટ માર્કશીટ/પ્રમાણપત્ર, માઇગ્રેશન અને સમકક્ષતા પ્રમાણપત્ર.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર ધોરણ -10 અને ધોરણ -12 ની જાહેર પરીક્ષાઓ લે છે. જેમાં ધોરણ 10 થી વર્ષ 1952 થી વર્ષ 2019 અને ધોરણ 12 થી વર્ષ 1976 થી વર્ષ 2019 સુધીના પરિણામના રેકોર્ડ જાળવવામાં આવ્યા છે.

વર્ષ દરમિયાન ગુજરાતના વિવિધ જિલ્લાઓમાંથી ઘણા વિદ્યાર્થીઓ ઉપરોક્ત પ્રમાણપત્રો મેળવવા માટે ગાંધીનગર આવતા હતા જેમાં તેમનો સમય અને નાણાં ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા અત્યાર સુધી ખર્ચવામાં આવતા હતા. લાખો વિદ્યાર્થીઓના પરિણામોનું રેકોર્ડ ડિજિટલાઇઝેશન કરવામાં આવ્યું છે. ઓનલાઈન પ્રક્રિયાનું ઉદ્ઘાટન માનનીય શિક્ષણ પ્રધાન દવારા કરવામાં આવ્યું છે.
ઉપરોક્ત પ્રમાણપત્ર મેળવવા માટે વિદ્યાર્થીઓએ વેબસાઇટ પર જઇ એપ્લીકેશન કરવાની રહેશે, જેમાં ડુપ્લીકેટ માર્કશીટ/પ્રમાણપત્રની ફી ૫૦/- રૂ. માઇગ્રેશન ફી ૧૦૦/-રૂ તથા સમકક્ષતા પ્રમાણપત્રની ફી ૨૦૦/- રૂ રહેશે. દરેકનો સ્પીડ – પોસ્ટનો ચાર્જ ૫૦/-રૂ રહેશે, જેથી વિદ્યાર્થી ઘેર બેઠા પ્રમાણપત્ર મેળવી શકાશે.
વેબ પોર્ટલ પર તમે નીચેના દસ્તાવેજો માટે ઓંનલાઇન અરજી કરી શકો છો.
• માઈગ્રેશન સર્ટિફિકેટ( ધોરણ ૧૦ / ૧૨ પાસ)– ડુપ્લીકેટ માર્કશીટ / પ્રમાણપત્ર (ધોરણ ૧૦/ ધોરણ ૧૨)– સમકક્ષતા પ્રમાણપત્રવિવિધ દસ્તાવેજો માટે અરજી કરવા સંબંધિત મહત્વપૂર્ણ સૂચનાઓ:-
૧. માઈગ્રેશન સર્ટિફિકેટ( ધોરણ ૧૦ / ૧૨ પાસ)
• માઈગ્રેશન પ્રમાણપત્ર ફી રૂ. 100. રહેશે.
• માર્કશીટની ઝેરોક્ષ
• L.C ની ઝેરોક્ષ
• ID Proof ઝેરોક્ષ( લાયસન્સ , આઘારકાર્ડ, ચુંટણીકાર્ડ, પાસપોર્ટ)
નોંધ:
A) ધો. ૧૨ માં ખાનગી ઉમેદવાર તરીકે પરીક્ષા આપનાર વિદ્યાર્થીએ Passing Certificate ફરજિયાત Upload કરવું. B) ધોરણ ૧૦ નાપાસ, ધોરણ ૧૧ પાસ તથા ધોરણ ૧૨ નાપાસ વિદ્યાર્થીને માઇગ્રેશન સર્ટિફિકેટ જે તે જીલ્લાની DEO(જિલ્લા શિક્ષણાધિકારીશ્રીની કચેરી) માંથી મેળવવાનું રહેશે.
પરિપત્ર : તારીખ.૧૮/૦૭/૨૦૧૮ જોવા માટે અહી ક્લિક કરો
પરિપત્ર : તારીખ ૦૮/૦૫/૨૦૧૯ જોવા માટે અહી ક્લિક કરો
૨. ડુપ્લીકેટ માર્કશીટ / પ્રમાણપત્ર (ધોરણ ૧૦/ ધોરણ ૧૨)
• માર્કશીટ ની નકલ/પ્રમાણપત્ર નો શૂલ્ક.
• રૂ. 50 / પ્રતિ માર્કશીટ
• રૂ. 50 / પ્રતિ પ્રમાણપત્ર
• ડુપ્લીકેટ માર્કશીટ / પ્રમાણપત્ર માટે જરૂરી આઘાર
• માર્કશીટની ઝેરોક્ષ / પાસીંગ સર્ટીની ઝેરોક્ષ / શાળાનો આચાર્યનો letter head/ Hall Ticket (જેમાં Seat Number તથા પરીક્ષા નું વર્ષ સ્પષ્ટ દર્શાવેલ હોય – કોઈ પણ એક ફરજીયાત Upload કરવું)
• ID Proof ની ઝેરોક્ષ
• ધોરણ-૧૦/૧૨ ડુપ્લીકેટ / સર્ટીફીકેટ માત્ર પાસ વિદ્યાર્થીઓને જ મળવાપાત્ર છે.
૩. સમકક્ષતા પ્રમાણપત્ર
• સમકક્ષતા પ્રમાણપત્ર ફી રૂ. 200 રહેશે.
• સમકક્ષતા પ્રમાણપત્ર શિક્ષણ વિભાગના ઠરાવ ક્રમાંક મશબ/૧૨૧૧/૫૯૦/છ, તારીખ. ૨/૬/૨૦૧૧ મુજબ આપવામાં આવે છે.
• જોવા માટે અહી ક્લિક કરો
• ધોરણ ૧૦ પછી ડિપ્લોમા કરેલ હોય ત્યારે ધોરણ ૧૨ સમકક્ષતા પ્રમાણપત્ર માટે જરૂરી આઘાર –પુરાવા.
• ધોરણ ૧૦ ની માર્કશીટની ઝેરોક્ષ
• ધોરણ ૧૦ L.C ની ઝેરોક્ષ
• ડિપ્લોમા છેલ્લા બે સેમેસ્ટરની માર્કશીટ ઝેરોક્ષ
• ડિપ્લોમા પ્રોવીઝનલ સર્ટી / કોન્વોકેશન સર્ટી
• ID Proof ની ઝેરોક્ષ