અમદાવાદઃ હાલમાં યોજાયેલ ગુજરાત બોર્ડ પરીક્ષા સમિતિની બેઠકમાં આગામી વર્ષે યોજાનારી ધોરણ 10 અને 12ના અલગ અલગ પ્રવાહની બોર્ડની પરીક્ષાનો કાર્યક્રમ નક્કી કરવામાં આવ્યો છે.
જોકે ગાંધીનગરમાં યોજાયેલ આ બેઠકમાંથી ધો-10ના વિધાર્થીઓ માટે થોડાક ખરાબ સમાચાર આવ્યા છે. કેમકે ધો-10ની બોર્ડની પરીક્ષા આ વર્ષે વહેલી યોજાશે.
માર્ચ 2020માં યોજનાર ધોરણ 10 અને 12ની બોર્ડની પરીક્ષાનું ટાઇમ ટેબલ જાહેર થઇ ગયું છે. માર્ચ 2020 બોર્ડ પરીક્ષાની તારીખ જાહેર કરવામાં આવી છે જેમાં 5 માર્ચથી શરૂ બોર્ડની પરીક્ષા શરૂ થશે. વિજ્ઞાન પ્રવાહ, સામાન્ય પ્રવાહની તારીખ જાહેર કરવામાં આવી છે
ધો-10ની બોર્ડની પરીક્ષા આ વર્ષે વહેલી યોજાશે.
જાણો સમગ્ર કાર્યક્રમ :
ધોરણ 10 બોર્ડની પરીક્ષા 5 માર્ચથી 17 માર્ચ વચ્ચે , ધોરણ 12 વિજ્ઞાન પ્રવાહની પરીક્ષા 5 માર્ચ થી 16 માર્ચ સુધી યોજાશે, સામાન્ય પ્રવાહ ધોરણ 12ની પરીક્ષા 5 માર્ચથી 21 માર્ચ વચ્ચે યોજાશે.
ધોરણ 10 બોર્ડની પરીક્ષા માટે આ વર્ષે 10 નવા પરીક્ષા કેન્દ્રો મંજૂર કરવામાં આવ્યા છે.
