Wednesday, March 22, 2023
Home News કોરોનાને કાબુમાં લેવા કેન્દ્રએ બહાર પાડી નવી ગાઈડલાઈન

કોરોનાને કાબુમાં લેવા કેન્દ્રએ બહાર પાડી નવી ગાઈડલાઈન

કોરોનાને કાબુમાં લેવા કેન્દ્રએ બહાર પાડી નવી ગાઈડલાઈન

કોરોનાને કાબુમાં લેવા કેન્દ્રએ બહાર પાડી નવી ગાઈડલાઈન, ભીડ રોકવા પર ફોકસ

ઘણા રાજ્યોમાં કોરોના વાયરસ સંક્રમણના કેસો ઝડપથી વધ્યા બાદ કેન્દ્રીય ગૃહ મંત્રાલયએ બુધવારે નવા દિશાનિર્દેશો બહાર પાડ્યા છે .કોરોના મહામારી ફેલાતી રોકવા માટે બહાર પડાયેલી આ નવી ગાઈડલાઈન 1 ડિસેમ્બરથી 31 ડિસેમ્બર સુધી લાગુ રહેશે.

ગાઈડલાઈન મુજબ, કન્ટેનમેન્ટ ઝોન્સમાં બધી તકેદારીઓનું પાલન કરાવવાની જવાબદારી જિલ્લા વહીવટી તંત્રની રહેશે. કન્ટેનમેન્ટ ઝોન્સની યાદી જિલ્લા કલેક્ટરો અને સંબંધિત રાજ્યોની વેબસાઈટ્સ પર મૂકવાની રહેશે. કેન્ટેનમેન્ટ ઝોન્સ માટે બનાવાયેલા નવા નિયમોનુ પાલન સુનિશ્ચિત કરવાની જવાબદારી સ્થાનિક પોલીસ, નિગમ અને જિલ્લા તંત્રની રહેશે. રાજ્ય અન કેન્દ્ર શાસિત પ્રદેશોની સરકારોએ આ અંગે અધિકારીઓની જવાબદારી નિશ્ચિત કરવાની રહેશે.

કાર્યક્રમોમાં વધુમાં વધુ 200 લોકોને મંજૂરી

નવી ગાઈડલાઈન્સ મુજબ, સિનેમા હોલ્સ, થિયેટર્સ, સ્વિમિંગ પૂલ વગેરેને લઈને પ્રતિબંધો ચાલુ રહેશે. સિનેમા હોલ હજુ પણ 50 ટકા દર્શક ક્ષમતા સાથે ચાલશે. સ્વિમિંગ પૂલ્સનો ઉપયોગ માત્ર સ્પોર્ટ્સ પર્સનની ટ્રેનિંગ માટે જ કરી શકાશે. ગૃહ મંત્રાલયની ગાઈડલાઈન મુજબ, કોઈપણ કાર્યક્રમ પછી તે ધાર્મિક હોય, સામાજિક હોય કે સ્પોર્ટસનો હોય, મનોરંજન કે શૈક્ષણિક હોય, તેમાં 200થી વધુ લોકો ભાગ નહીં લઈ શકે. સરકાર ઈચ્છે તો આ સંખ્યાને 100 કે તેનાથી વધુ ઓછી કરી શકે છે.

રાજ્યોને નાઈટ કર્ફ્યૂ જેવા નિર્ણય લેવાની છૂટ

રાજ્યોને પોતાને ત્યાંની સ્થિતિ મુજબ નાઈટ કર્ફ્યૂ જેવા નિર્ણય લેવાની છૂટ છે. જે શહેરોમાં સાપ્તાહિક કેસ પોઝિટિવિટી રેટ 10 ટકાથી ઉપર રહેશે, ત્યાં ઓફિસો, ફેક્ટરીઓ, દુકાનો વગેરેમાં વર્કિંગ અવર અલગ-અલગ સમય પર કરવાની સલાહ આપવામાં આવી છે, જેથી એક જ સમયે વધુ કર્મચારીઓ ન આવે.

એક રાજ્યમાંથી બીજા રાજ્યમાં અવર-જવર પર રોક નહીં

એક રાજ્યમાંથી બીજા રાજ્ય કે કોઈ રાજ્યની અંદર જ લોકો અને માલ-સામાનની અવર-જવર પર કોઈ રોક નહીં રહે. અવર-જવર કરવા માટે કોઈ પણ પ્રકારની મંજૂરી/ઈ-પરમિટની જરૂર નહીં પડે.

આ લોકોને ઘરમાં રહેવાની સલાહ

વધુ જોખમવાલા લોકો જેવા કે 65 વર્ષથી વધુ ઉંમરની વ્યક્તિઓ, પહેલેથી કોઈ ગંભીર બીમારીથી પીડિત લોકો, ગર્ભવતી મહિલાઓ, 10 વર્ષથી ઓછી ઉંમરના બાળકોને ઘરોમાં જ રહેવાની સલાહ આપવામાં આવી છે. જ્યાં સુધી તદ્દન જરૂરી ન હોય, તેમને બહાર ન નીકળવાની સલાહ અપાઈ છે.

ભીડવાળા વિસ્તારોમાં સોશિયલ ડિસ્ટન્સિંગના પાલન પર ભાર

રાજ્ય સરકારોને એ સુનિશ્ચિત કરવા કહેવાયું છે કે, લોકો માસ્ક પહેરે, હેન્ડ સેનિટાઈઝ કરે અને સોશિયલ ડિસ્ટન્સિંગનું પાલન કરે. માસ્ક ન પહેરનારા પર રાજ્ય સરકાર પોતાના હિસાબે દંડ નક્કી કરી શકે છે. ભીડવાળા વિસ્તારો ખાસ કરીને બજારો, સાપ્તાહિક બજારો અને પબ્લિક ટ્રાન્સપોર્ટમાં સોશિયલ ડિસ્ટન્સિંગના પાલન પર નજર રાખે. જાહેર સ્થળો પર થૂંકવા પર દંડ લાગશે. જ્યાં સુધી શક્ય હોય વર્ક ફ્રોમ હોમ પર ભાર રહેવો જોઈએ.

 

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments