અમદાવાદ શહેર ટ્રાફિક પોલીસે 29 નવેમ્બરના રોજ રૂટિન ચેકઅપ દરમિયાન 2.18 કરોડની પોર્શે(911) કાર ડિટેઈન કરી હતી.
આ કારમાં નંબર પ્લેટ અને વેલિડ ડોક્યુમેન્ટ્સ ન હોવાથી કાર ડિટેઈન કરી હતી.
ત્યાર બાદ આજે RTOએ કાર માલિક પાસેથી રોડ ટેક્સ પેટે રૂ.16 લાખજ્યારે દંડના વ્યાજ પેટે રૂ. 7 લાખ 68 હજાર અને રૂ.4 લાખપેનલ્ટી મળીને રૂ. 27 લાખ 68 હજારનો દંડ કર્યો છે.
પોલીસના દાવા મુજબ, અમદાવાદમાં દેશનો સૌથી મોટો દંડ ૨૭.૬૮ લાખ વસૂલવામાં આવ્યો છે. આ અંગે અમદાવાદ પોલીસે ટ્વિટ કરીજણાવ્યું કે,
જરૂરી ડોક્યુમેન્ટ્સ ન હોવાથી આ દંડ ફટકારવામાં આવ્યો છે. આ પહેલા અમદાવાદ ટ્રાફિક પોલીસે 29 નવેમ્બરના રોજ હેલ્મેટ સર્કલપાસે 2.18કરોડની 911 મોડલની પોર્શે કારને અટકાવી તેના ચાલક પાસેથી જરૂરી ડોક્યુમેન્ટ માગ્યા હતા.
પરંતુ કારમાં આગળ–પાછળ નંબર પ્લેટ ન હતી, સાથે જ જરૂરી ડોક્યુમેન્ટ ન હોવાથી કારને ડિટેઇન કરવામાં આવી હતી.
અને કાર ચાલકને રૂ.9.80 લાખનો દંડ ફટકાર્યો હતો. ત્યાર બાદ આજે કાર ચાલક પાસેથી 27 લાખ 68 હજારનો દંડ વસૂલ્યો છે.
